Bulldog Seal: Muuraanwendings

Muur- Steen- en Betonblok-aanwendings sluit in verseëling van klip, poreuse beton, steenwerk en pleisterwerk. Bulldog Seal kan ook gebruik word om krake in mure te verseël.

Instruksies vir gebruik: Krake in mure
1. Verwyder ou verf en los materiaal met `n draadborsel.
2. Verwyder stof met `n klam verfkwas.
3. Klein krake (<2mm) kan met Bulldog Seal geverf word. Gebruik daarna `n klam kwas en vee bo-oor Bulldog Seal om die oppervlak glad te maak, indien nodig.
4. Groter krake (>2mm): Meng Bulldog Seal met skoon fyn pleistersand tot `n stywe mengsel. Vul die krake daarmee deur `n plat-end skraper te gebruik. Laat toe om droog te word vir 2 ure. Verf normale Bulldog Seal mengsel bo-oor.

Instruksies vir gebruik: Klip, poreuse beton, steenwerk en pleisterwerk
1. Verwyder ou waterdigting materiaal.
2. Skuur oppervlakte met `n draadborsel. Gebruik `n tuinslang en spoel muur af.
3. Verdun Bulldog Seal 50:50 met water en wend aan as grondlaag.
4. Laat toe om vinger-druk droog te word.
5. Verf Bulldog Seal teen 1 liter per vierkante meter.
6. Wanneeer droog kan dit met gewone muurafwerkings geverf word, alhoewel dit nit nodig is nie.